(((البنات ومشاكلهم)))

البنات ومشاكلهم




البنت او الفتاه او الآنسه او السحليه سميها كما تشاء

مخلوقه بسيطه مكونه من الياف ومشاعر حساسه جدا

وتملك قدر ضيئل من الذاكره والتفكير والواقعيه << عايشه في الخيال والاحلام وقليل من اوهام الكارتون

فهي في العاده لا تفكر الا بنفسها << مااقول تفكر ببطنها لانها مسكينه دبيه ذبحها الرجيم

فلو كانت شاطره ودافوره وتقدمت عليها زميلتها بدرجه او درجتين

ينتفش شعرها ويقف قرناها وانتفخت اوداجها وتعكر جوها

فلا تاكل لمده شهر ولا تتكلم الا اذا احد سالها وتتكلم من خشمها فترد بكلمه او كلمه ونص


مسكين اخوها يبي يخفف عنها وهي تسميه تمساح تمساح

وهو حساس يفكر يخفف عن اخته ياخذها على البحر

لو كان على مدينه شاطئيه حيث تغسل همومها وتنسي ما عكر صفوها

او تروح الثمامه لو كانت في الرياض لتنثر همومها مع حبات الرمل

او ياخذها يتسوق معها ويشتري لها بعض الهدايا لكي يفرح قلبها

ويدخل اليه البهجه والسرور



واخوها طيوب على نياته ماشي جنب اخته

تجيه الهئيه وتمرمطه وتبهذله وتحقيق سين جين

من تكون هذه الفتاه

وما اسمها

كيف تعرفت عليها

ما اسم امها وابوها

لو كانت اختك ايش لون غرفتها

طيب كم عمر اختك << طبعا اخته ما قالت له عمرها بس تصغر فعمرها وهو مسكين على طول يصدق

بيتكم كم غرفه وفي اي دور واي شارع

كم عدد اخوانك وكم عدد البنات والاولاد

ايش هي سياره ابوك << مع كل هذي الاساله للحين الهئيه مو مصدقه انه اخوها

ونفس الاسأله يسألون البنت


هذا لو شافته الهئيه

ولو شافوه اصحابه مع اخته << على طول جوال اخو البنت يدق نعن ابو دارك من وين تعرفت عليها

مسكين يتلعثم ما يعرف ايش يقول



ولو وقف قرب محل ايسكريم ياكل هو والسحليه الي معاه

الناس الي تمشي توقف بتاكله بعيونها

وزحمه سيارات ورجه ومرور وقسايم


ولو رديت على واحد منهم تجمعو عليك كل الشباب وهزئوك قدامها وترجع مكسور الخاطر

يقولو الكثره تغلب الشجاعه <<يعني ايش الحل؟؟


تفكر تاخذ سلاح معاك عشان تحمي نفسك وعرضك من المشاكل!!

يجي بلاغ عليك انك ارهابي وتروح في خبر كانا واخواتها


مااقول الا ان البنت نشبه

يعني لا شفتها مسكينه متألمه ولا متضايقه

خليها لحظه تدخل غرفتها وقفل عليها الباب وارتاح وريح الناس والزحمه منها


ههههههههههههههههههههههه


سامحوني على مزحي من العيار الثقيل بس ايش اسوي كنت طفشان وكتبتها

على الاقل تبتسم شفه او يفرح قلب او اغير جو البعض

البنت هي اغلى كائن موجود على وجه الارض

فلا ننسى انها امي واختي وزوجتي وحبيبتي وصديقتي وكل دنيتي

تقبلو تحياتي ومزاحي